.:. الذيب .. مآعمــرهـ غـــدى يــومـ غــدآر .:.

[أمير بكلمتي]

قصيدة رائعه
بها من الحكم الكثير
أعجبتني
واحببت أن تشاركوني قراءتها
الذيب ماعمره غدى يوم غدار
. . . . . . . . والليل مايستر فضايح طعونك
.
.
أشوف كل الناس بعيونك صغار
. . . . . . . . مدري من اللي بس يملى عيونك
.
.
كل ٍ حقير بنظرتك ناقص اشبار
. . . . . . . . إلا على ماقيل ( من يعجبونك ) !
.
.
من أنت يوم إنك تجرح بالابرار
. . . . . . . . طالع عيوبك قبل تضحك سنونك
.
.
مالك ومال الناس وكشوف الاسرار
. . . . . . . . لاتبتلش بالناس ثــم يبـلشونك
.
.
اركد وخل الهرج , لاتوقد النار
. . . . . . . . إحذر ترى بالنار هم يحرقونك
.
.
كثر الحكي يحجرك لاصرت هذار
. . . . . . . . خـلك قليل الهـرج لايمسـكونك
.
.
لاتنجرف بين الرجاجيل ثرثار
. . . . . . . . ترى الرجال عقول لاينقدونك
.
.
إحذر تجابه بالغلط روس الأحرار
. . . . . . . . بعض العرب لاطحت مايرحمونك
.
.
خذها نصيحة لاتجي تحت الأنظار
. . . . . . . . ارفع مقامك لاتوطي متونــك
.
.
هذا كلامي والخطا عين الإنذار
. . . . . . . . وانت وضميرك عاد حكّم ضنونك
.
.
وإذا تشوف الناس بعيونك صغار
. . . . . . . . الناس مثلك يـاولـد ينظـرونك
__________________
(الحب) في الأرض بعض من تخيلنا..
لو لم نجده عليها (لاخترعناه)

[loveman]

إحذر تجابه بالغلط روس الأحرار
. . . . . . . . بعض العرب لاطحت مايرحمونك

كلمات روعه وصح لسان الشاعر ولسانك يا أمير

شاركتنا وشاركناك بكلمات رائعة ومعبره

يسلموووووو

[قطوه]

كل ٍ حقير بنظرتك ناقص اشبار
. . . . . . . . إلا على ماقيل ( من يعجبونك ) !
.
.
من أنت يوم إنك تجرح بالابرار
. . . . . . . . طالع عيوبك قبل تضحك سنونك





صح لسانك

[انا حلوة]

الله يعطيك العافيه وتسلم يمناك وصح لسانك الصراااحه كلمات روعه خياااال يعطيك الف الف الف الف الف عافيه ...


تقبل مروري :::

أنــــــــــــــــــــ حلوة ـــــــــــــــــا

[أمير بكلمتي]

الله يخليك شكرا ع المرور